قصيدة تعبنا / بقلم الشاعر الراقي ابراهيم الغنام

تعبنا
تعبنا وتعب
 الشوق مننا
لحد بيسأل فينا
ولاحد بيداوى جراحنا
ليه يا دنيا
 ليه كدة معزبانا
كل لحظة
 قسينا فيها
 لحد ما اشتكينا
تعبنا ودبنا
 وسهر الليالي
 شافت كتير مننا
حتى النجوم
 مستخصرنها علينا
لو شافوا القمر
 ح عملوا إيه فينا
حبينا ندارى وجعنا
لقينا الوجع فينا
لا هما اتارحوا
ولا سبونا نعيش ونرتاح
خدوا منا كل حاجة
 بس سبونا ف حالنا
ح نلاقيها منكم ولا م الأيام
حبينا وياريتنا م حبينا
القلب ذادت دقاته
والعين ياما شافت قسوته
لحد م خلص الكلام
ولملمنا جراح الهوى
خدوا منا كل حاجة
بس سبونا لاقدرنا
قولنا مع الوقت
ح يحن ويقرب مننا
اتاريه جاه علينا
وبردو طلع
 العيب مش فينا
العيب ع الحب
واداله الأمان
وسابه يمشى
 ف طريق الأشواق
طريق ابتدا
ومالوش نهاية
ح نعيب ع الزمن
وإحنا العيب مالينا
طيب تعبنا وتعب القلوب
مين يقدر يداويها
ولا خلاص ما عدش ينفع
حد تانى يكون قلبه علينا
ياخد ادينا لطريق
مايكنش فيه قسوة وندامة
حقنا نعيش ال فاضل من عمرنا
مع قلوب نحس بيها و تحس بينا
ويبقى للماضى ذكرى
تبقى هى أجمل ما فينا
بقلم الشاعر /إبراهيم الغنام
26/4/2018