زجليه مغربية بعنوان الخملة // بقلم الأديب والشاعر احمد الكندودي

***الأديب الشاعر والزجال: أحمد الكندودي
***زجلية مغربية  تحت  عنوان
**الْخَمْلة.***
شاط لَحْريرْ عَنْد لعقول الطافية...
وَمَسْحُو به الطْبَاسِلْ
َ ؤُ لِ وصفوه لْبَارِحْ بدرويش...
وَلًًى اليَومْ مْكنْزِزْ بَاسِلْ
وَ لكَانْ لبَارِحْ كلامو شَهدَة...
صْبَحْ خَملًة ومعاه واحل ...
اَهْ...اَهْ عْلِيكْ يا الخملة...
لا شَطْ فيكْ لا سَاحِلْ
بْنادِمْ كالحرباء مقنع وذميم
بحال الافعى بجلاجل...
شَاطْ لََحْريرْ عَنْد الرْعَوِينْ
وَمَسْحُو بهْ الطْباسِلْ
تْجَبْرُوا وَطْغَاوْ....
فَقْدُوا المُورِي وَداسو السْنابلْ
نْسَاوْ الماضي والحَزًة
شَبْعو بْطُونهُمْ بالباطل
داسو لَحْريرْ وقالوا: فاتْ فَصلُو
باعُوا الضميرْ بِلَذًة وَفاصِل
رَدوا بنادمْ مغموم حزين
سَرْقو فَرَحْتو بالطْمَعْ القَاتِلْ
ماتتْ فيهمْ لَمْرَوًة والصْوابْ
فقدوا الطيبة والتًحَابْ
رَدُوا تُرْبَةُ الخِيرْ رْمادْ قَاحِلْ
يا لِنْسيتي البارحْ واليومْ تْعالِيتي
غادي يجيك نْهارْ فيهْ تْسائِلْ
شاطْ لَحْرير وَغَسْلُو بيهْ الطْباسِلْ
خملة ...وَحْلَة...
تحداها وَشدْ بالله وواصل
لَهْوَى خَنْقُوهْ ...
صفقوا للنهْب وَعاوْنُوا السافلْ
نْتَقْمُوا من لَفقيرْ...
حِيتْ لْقاوْه حَيْط قْصِير
أُوباشْ ما قَدْهُمش لْحَصيرْ...
خْذاوْ منو شواريه المايل
ونْساوْ أنً المَكْسي بِعْرقْ الناسْ...
ما يَسْوَى في لَمْحافِلْ
زْواق يْطيرْ يْطيرْ ...
فِيقْ يا لِكانْ لْبارِحْ بْنادِمْ ساهلْ
الحرير أصل حرير
والخملة فيها لا تجادل
***الْخَمْلة...عر والزجال :أحمد الكندودي ***المغرب**