قصيدة تمنيت ارجع طفلة / بقلم الشاعره نجاة عيوش

تمنيت ارجع طفلة صغيرة..!! (عامية)
كلمات بريئة ....من ذكريات الطفولة...!
ماما انا بحبك...!!
 رسمتلك قلب كبير ع دفتري...
وكتبت فيه...(( ماما أنا بحبك ..)
شو بحس بالأمان يا أمي...
وبعيش عمر تاني لما شم عطرك....

أمي..بعد ما تذكرت هالكلمات...
طفلة صغيرة أرجع شو  تمنيت..
مشتاقة لحضنك  بعطفك تضميني
وبحنانك ..وبقلب مليان بالأمان .
ومن غدر الزمان يا ماما..تحميني.....
وتمسحي بايدك الحنونة من عيوني دمعات٠٠٠
 وبضحكتك الهم تنسيني....!!
امي .. قهرني الزمن  وضاعوا عن شفافي  البسمات
من دعاكِ أمي لا تحرميني...  !!
 خليني اغفا ع حضنك وانسى الهم الآهات
وبقلبك الكبير.. ..من وحوش الدني يا امي خبيني..  !!!    
           
   بقلمي ...نجاة عيوش(لبنان)
 موثقة حقوق النشر محفوظة..