قصيدة حسان ورق / بقلم الشاعرة الراقية د. محمد ضباجه

حصان ورق الشاعر محمد ضباشه ~~~~~~~~~~ عيون صابتنا فقسمتنا جسد أمى قالت : من الحسد ومن الورق عملت حصان وعروسة كات ست الحسان عايمه على موج الدلال فى رجولها طيف خلخال على أى حال غرب حصانى وما شرق وتاه على منقد بخور ويا الجوى والمستكة عمال يلف يدور فى قلوب متفرتكه مع دنيا متفتته كات فيها قلوبنا طيبة والدمعة فينا قريبة حتى فى ساعات الفرح تنزل تلالى على الخدود وكنا فاكرينها دوى ما فيهوش دود ينهش فى الحب العفى والنبض وياه يتكفى ما يكتفى من عين فى ناس ما بيحسوش أنا لسه فاكر من زمن غش الوشوش اللى كنا فاكرينها دهب طلعت فشوش فما تحزنوش على قلب متمرمغ حسد باعوه هدد لحقد ناس ما بيرحموش مين قال ان العيون ما تصيب وفتحت فى قلبى جروح وخدونى من حضن الحبيب وهو نبض الروح دا الشمس لما تغيب تهرب سفينة نوح وأعيش على السراب مدبوح وقلوبنا ما يتهنوش ركبوا على فيل ابرهه وفرقوا الحياة بينا ونزعوا الأمان من شمسها ولا نهارها طمنا وهى من جهلها زيى أنا ما حستهوش كنا ضحية زمن فينا القلوب بيضا دوقنا فيه العفن والحقد على الموضة واحنا يادوب قوضة بنحبنى على حيطانها ولما شانها الحسد لقناها بقت أطلال ويا ناس أندال من الأهل وجيرانا عجبى عليك يا زمن يا مفرق القلبين بعد ما رفرفوا بالحب طبوا بدون جناحين مشينا خطاوى الجبر وورانا حب كبير وما عرفنا نسلسل ليل كان مننا بيغير رسمنى فى وش المراية واحد غريب عنى وقلبى يصرخ ورايا ما قرب أمل منى ولا حتى لحقنى الحبيب بالشوق يعشمنى وبيبخرنى بحصان ورق يمكن علشانه اطيب