قصيدة النيل عطشان / بقلم الشاعر الراقي د. محمد ضباشه

النيل عطشان ! الشاعرد.محمد ضباشه --------- أنا ما أقدرش أفارق روحى ولا أركب موج النسيان ولا أهرب من شوقى وبوحى وأنت يا روحى حضن أمان بلسم والطيب لجروحى وقمرة فى ليلى السهران مدى الخطوة إرمى النظرة يا غزالة دا النيل عطشان وأنا على الشط غريق فى هدومى ما تقومى وتبلى الشوق وليه بعيونك عنى تصومى وما تلحقى فيا ومضة ضوء تنور قلبك لو يوم عتمة ولا تحل معاكى الأزمة ولا خلاص ما لى انا لزمة وأتنى فى حبك حيران بصى وطلى على الإنسان اللى وهب لك روحه حياة ولا فى لحمك كان طمعان ولا سلطان أو ملك وجاة ليه قلبك صاحى ونعسان وأنا قلبى بينزف أه ولا قادر يسكن فى عيونك ولا لاقى على الشط أمان أه من قلبك حير قلبى وأه م الصبر ومر عذابه مهما أدارى فى قلبى وأخبى لكن ما أقدر أقفل بابه كنت أتمنى أشوفك جنبى أو تاخدينى لشمس أعتابه كنت بدمى وروحى أصونك وأزرع لك الليل بستان يا بهية يا أم الجدعان ليه الجان بتشد هدومك وعلى نيلك زرعوها حيتان وتزعلى منى لما ألومك وأنا النبض وأنا الفنان وأنا برضوا التايه من يومك وما نابنى حاجة من كومك ولا دوقت من الحضن حنان

تعليقات

المشاركات الشائعة من هذه المدونة

قصيدة مجنونتي/ بقلم الشاعر الراقي عصام الدين محمد