قصيدة بالله عليك / بقلم الشاعر الراقي الدويدة عبد الرزاق

هذه القصيدة بعنوان بالله عليك يالوزيرة من ديوان الزجل في مجال الجد والهزل بالله عليك يا لوزيرة اش هاذ التصريحات المثيرة واش اللي عندو ٢٠درهم ماعايش في وضعية فقيرة و٢٠درهم ما تطيب لو حتى طنجرة الحريرة . فين الخبز فين الكوميرة وهو موسد غير الحصيرة زايدة عليه حتى التشوميرة جربي ا لالة لوزيرة يوم من الايام . خوذي ،٢٠درهم ما تكفيكش حتى في الحمام ولا انت تتلبسي الحرير ومغطية يريش النعام تعمى ليك الضمير وكليتي رزق الايتام ما حسيتي لا بالمسكين لا بالفقير وهذي سنين واعوام والمسكين عايش في مدن القصدير رجلو حفيانة والبرد طيار وانت في دارك دفيانة محاوطة بيك الاسوار هاذ الشي حشومة وعار تاكلي الخرفان مشوية وهو ما تقدو حتى في كاسكروط في العشية. باش غادي يكمل الشهرية ياركة من الاستهزاء باركةمن السخرية على المسكين والجماهير الشعبية . باركة من الشعارات الوهمية المسكين عايش في الميزيرية وانت عايشة في الؤفاهية حسي بالمواطن شي شوية تحملي وكوني قد المسؤولية مابغينا كلمة سير وتسنى حققي للمواطن المسكين كل ما يتمنى كرشو تشبع ويقول للراس بالموسيقى يتغنى بالله عليك يا لوزيرة بالله عليك واش حالة المسكين ترضيك عشرين درهم في اليوم تكفيك حني على المسكين الله يهديك وباركة من السخرىة والاستهزاء رحمي من في الارض يرحمك من في السماء رفعي على المواطن هاذ العناء وتفكري ربك شي شوية وباركة من هاذ البهتية المواطن ماشي للشرا والبيع في سوق البشرية