يا بيت جدي / بقلم الشاعرة الراقية نوال ام فراس دهامشة
............. يا بيت جدي ..............
كنت صغيرة وكان لي جدين ، وبيت العيلة مليء بالاعمام والعمات وعمي الصغير يكبرني بشهرين ....
كانوا جداي يسكنوا ببيت كبير واسع وحوله حاكورة فيها شجرة رمان وليمونة وتوتة .....
بيت جدي بيت كبير يتألف من العقد - العلية - قاع البيت - الروزنا - الكوارة - بيت الصفار - الانطش - والانبوب ، وخشة صغيرة جنب البيت ....
كان جدي يملك اول مخبز ب كفركنا بلدنا ، مبني من حجر ناري له داخون على سطح المخبز ينفث الدخان يمين شمال ، والخباز ابي رحمه الله ........
كانت النسوة تحضر العجين من بيوتهن مرقوق ومصفت على الطبق ، والدي يخبز لهن على الحطب بمبلغ زهيد والكل مبسوط .....
آااااااه على ايام زمان مساؤكم محبة اجدادكم لهم الرحمة .. للتوضيح :-
العقد : غرفة كبيرة لها قناطر وقوسات عالية وهي مضافة جدي يعني المجلس اللي يضم اصدقاء جدي والزوار ......
العلية : الطابق الفوقاني ( الكوتج العلوي ) كانوا يناموا فيه افراد العيلة ......
قاع الدار : الكوتج التحتاني كان يناموا فيها الطرشات اي البقرات وعنزة منوحة والبغل لجر عربة نقل الحطب .....
الروزنا : بجمعوا فيها التبن يعني اكل الطرشات لكل السنة ...
الكوارة : كانوا يجمعوا فيها القمح للطحين والزرع .......
الصفار : السدة فيها المؤن البيتية والفراش الفضلة ....
الانطش : مطبخ ومخزن للزيت وبرميل الطحين والشوبك ....
الانبوب : ممر او ليوان ....
الخشة : غرفة صغيرة جنب البيت بضبوا فيها الطبش ....
الطبش : كل شيء خربان وما له لزوم لكنهم يحتفظوا فيه ...
يا بيت جدي رحلوا اصحابه الى جوار الخالق وتزوجوا الابناء والبنات وبقيت صامدا شاهدا على العصر ....
بقلمي :- #نوال ام فراس دهامشة ......
#فلسطين ....
تعليقات
إرسال تعليق