قصيدة خليني احلم/بقلم الشاعر الراقي جمال محمد فايد
.............خليني أحلم...............
خليني أحلم بإنك
....... ...... فى حضنك أخدتيني
وعلى صدرك يفوح الورد
..........ياحبيبتي وانت تضميني
واكتب برقة على خدك
......بحبك وحشتينى وحشتيني
وعلى شفايفك أكتب لك
.............بدوب فيك يانور عيني
وأنام وأرتاح على كتفك
.............وحضنك يبقى مدفيني
و أغيب عن الدنياوأحزانها
............وانت برموشك تغطيني
وأغرق فى بحر حنانك
...........وأرفض منه حد ينجيني
وقلبى تزيد م الفرحة دقاته
......تحسى بشوقي إليك وأنيني
وهو بينادي بحبك بحبك
............... ضميني تانى ضميني
و عيونك الحلوة بنظراتها
.......... لعالم تاني أجمل توديني
و عيوني م اللهفةتفضحني
.......وتكشف لك لهفتي وحنيني
ولمسة إيدك الناعمة
......لبر الأمان ياحبيبتي تعديني
وأعيش معاك بحريتي
.....لحظة في العمر يمكن تكفيني
لأني طول العمر باحلم بك
.........واتمنى محدش يصحيني
ولامن حضنك الدافي
.............تاخدي نفسك وتخديني
وخليني فى ليلة ياحبيبتي
.......أحس إنك.منك ما حرمتيني
لأنى مت فى حبك ويمكن
.............لويطول الحلم تحييني
وأفضل أحبك واحبك وإنت
... . .....من قلبك الصافي تحبيني
وتحلفي بإنك على العهد
........هتكوني وعمرك ماهتنسيني
.ساعتها ممكن أسمح لك ياروح
....الروح إنك من الحلم تصحيني
..............مع تحيات...................
..........محمد جمال فايد.............
......جمهورية مصر العربية..........
كفر شبرا زنجي الباجور منوفية..
تعليقات
إرسال تعليق